Apple က ဥာဏ်ရည်တု (AI) ကို အဓိကထား လုပ်ဆောင်တဲ့ ကနေဒါအခြေစိုက် startup တစ်ခုဖြစ်တဲ့ DarwinAI ကို၀ယ်ယူလိုက်ကြောင်း သိရပါတယ်။ အဆိုပါသဘောတူညီချက်ဟာ ယခုနှစ်အစောပိုင်းမှာ သဘောတူညီမှုရရှိခဲ့ပြီး နည်းပညာကုမ္ပဏီကြီးရဲ့ AI ရည်မှန်းချက်များကို မြှင့်တင်နိုင်မယ်လို့ ယုံကြည်ရပါတယ်။
ဖေဖော်ဝါရီလမှာ CEO Tim Cook က ကုမ္ပဏီရဲ့သုံးလပတ်ဝင်ငွေခေါ်ဆိုမှုများအတွင်း AI မှာ “များပြားလှတဲ့အချိန်နဲ့ ကြိုးစားအားထုတ်မှု” ကို သုံးစွဲထားကြောင်း ထုတ်ဖော်ပြောကြားခဲ့ပါတယ်။ အသေးစိတ်အချက်
အလက်များကို ထုတ်ဖော်ပြောကြားခြင်းမရှိသော်လည်း ယင်းတိုးတက်မှုအချို့ကို ယခုနှစ်နှောင်းပိုင်းမှာထုတ်ဖော်နိုင်မယ်လို့ အရိပ်အမြွက်ပြောကြားခဲ့ပါတယ်။ အထူး သဖြင့် iOS 18 Update မှာ iPhone အတွက် AI စွမ်းရည်အသစ်များကို ထည့်သွင်းလာနိုင်တယ်လို့ သတင်းများက အကြံပြုထားပါတယ်။
Bloomberg မှ Mark Gurman ရဲ့အစီရင်ခံစာအရ Cupertino အခြေစိုက်နည်းပညာဆိုင်ရာ behemoth က DarwinAI ကိုဝယ်ယူရုံသာမက ၎င်းရဲ့ဝန်ထမ်းအများအပြားကိုလည်း ငှားရမ်းခဲ့ပါတယ်။ Gurman က အမည်မဖော်လိုတဲ့ သတင်းရင်းမြစ်များကို ကိုးကားပြီး ငှားရမ်းမှုအသစ်များက Apple ရဲ့ AI ဌာနခွဲသို့ ဝင်ရောက်ခဲ့ကြောင်းလည်း ပြောကြားခဲ့ပါတယ်။ သဘောတူညီချက်ကို နောက်ပိုင်းမှာ တရားဝင်ကြေညာနိုင်မယ်လို့ အစီရင်ခံစာက အရိပ်အမြွက်ဖော်ပြနေတာကြောင့် ဝယ်ယူမှုဟာ မကြာသေးမီက ဖြစ်ပွားခဲ့ခြင်းဖြစ်တယ်လို့ ယူဆရပါတယ်။
Apple ကုမ္ပဏီရဲ့ AI ဌာနခွဲဖြစ်တဲ့ Machine Learning Research ရဲ့ ဒါရိုက်တာအဖြစ် တွဲဖက်တည်ထောင်သူနဲ့ သိပ္ပံပညာရှင်ချုပ် Alexander Wong လည်း ပါဝင်ခဲ့တယ်လို့ သိရပါတယ်။ အဆိုပါကိစ္စနဲ့ ပတ်သက်ပြီး Bloomberg ရဲ့မေးမြန်းချက်ကို တုံ့ပြန်တဲ့အနေနဲ့ iPhone ထုတ်လုပ်သူက “သေးငယ်သော နည်းပညာကုမ္ပဏီများကို အခါအားလျော်စွာ ၀ယ်ယူနေကျပါပဲ” လို့ ပြောကြားခဲ့ပါတယ်။ သို့သော် ဒီအထူးဝယ်ယူမှုရဲ့ ရည်ရွယ်ချက်နဲ့ အစီအစဉ်များကို ထုတ်ဖော်ပြောကြားခြင်းမရှိခဲ့ပါဘူး။
၎င်းရဲ့ LinkedIn စာမျက်နှာအရ DarwinAI ဟာ “ထုတ်လုပ်သူများအား ထုတ်ကုန်အရည်အသွေးကိုမြှင့်တင်ရန်နဲ့ ထုတ်လုပ်မှုစွမ်းဆောင်ရည်ကို တိုးမြှင့်ပေးမယ့် end to end ဖြေရှင်းချက်တစ်ခု” ဖြစ်ကြောင်း သိရပါတယ်။ ကုန်ထုတ်လုပ်ရေးလုပ်ငန်းစဉ်မှာ အစိတ်အပိုင်းများကို အမြင်အာရုံနဲ့ စစ်ဆေးနိုင်တဲ့ AI စနစ်တစ်ခုကို တီထွင်ခဲ့တယ်လို့လည်း ဆိုပါတယ်။
Wong က neural network မော်ဒယ်များကို သေးငယ်ပြီး မြန်ဆန်စေရန်အတွက်လည်း နည်းပညာတစ်ခုကို တီထွင်ခဲ့ကြောင်း သတင်းရရှိထားတာပါ။ Apple က on-device AI မော်ဒယ်များနဲ့ features များကို ၎င်းရဲ့စက်ပစ္စည်းများသို့ ယူဆောင်လာဖို့အတွက် တူညီသောနည်းပညာကို အသုံးချနိုင်ခြင်းကြောင့် ဖြစ်နိုင်ပါတယ်။
Cook က AI ဟာ 2024 ခုနှစ်မှာ ကုမ္ပဏီအတွက် အဓိကအာရုံစိုက်ထားကြောင်း အရိပ်အမြွက်ပြောကြားခဲ့သော်
လည်း ကုမ္ပဏီက မည်သည့်အရာကို လုပ်ဆောင်မယ်ဆိုတာကို အတိအကျထုတ်ဖော်ပြောကြားခြင်းမရှိထားပါဘူး။ အချို့သော ကောလာဟလများ အရ Apple ဟာ ၎င်းရဲ့ AppleGPT လို့ခေါ်တဲ့ မူလ ဖောင်ဒေးရှင်းမော်ဒယ်ကို လုပ်ဆောင်နေနိုင်တယ်လို့လည်း သတင်းများထွက်ပေါ်နေပါတယ်။
အခြားသော ကောလဟလ လုပ်ဆောင်ချက်များမှာ ChatGPT နဲ့ Google Gemini ကဲ့သို့ chatbot လို လုပ်ဆောင်နိုင်တဲ့ အဆင့်မြှင့်ထားသော Siri ဗားရှင်း၊ Apple Music အတွက် AI ထုတ်ပေးတဲ့ playlist များ၊ Pages နဲ့ Keynote ကဲ့သို့သော Apple ရဲ့ Productivity Apps များမှာ AI ထည့်သွင်းခြင်းနဲ့ အခြားအရာများ ပါဝင်ပါတယ်။ iPhone 16 စီးရီးများနဲ့အတူ ယခုနှစ်နှောင်းပိုင်းမှာ ရောက်ရှိလာမယ့် iOS 18 updates မှာ Apple စမတ်ဖုန်းများအတွက် AI လုပ်ဆောင်ချက်အသစ်များစွာကို ယူဆောင်လာနိုင်ကြောင်း သတင်းများထွက်ပေါ်လျက်ရှိနေပါတယ်။
Reference: Apple Reportedly Acquires Startup DarwinAI, Could Fuel Tim Cook’s AI Vision by Gadgets 360
AMC HACKS
