ClickUp နဲ့ Notion တို့ကို နှိုင်းယှဉ်ကြည့်ရင်က တူညီတဲ့အချက်တွေ များစွာရှိပါတယ်။ ဒီ application နှစ်ခုစလုံးက တစ်ဦးတစ်ယောက်ချင်းစီအတွက်ပဲ ဖြစ်စေ အဖွဲ့လိုက်အတွက်ပဲ ဖြစ်စေ productivity တက်စေဖို့ရာအတွက် ရည်ရွယ်ပါတယ်။ နှစ်ခုစလုံးက ပြောင်းလွယ်ပြင်လွယ်ပြီးတော့ ကိုယ့်ရဲ့ workflow နဲ့ ကိုက်ညီဖို့ရာအတွက်လည်း အလွယ်တကူပြုပြင်လို့ ရပါတယ်။
Notion ထက်စာရင် Clickup ကို ရွေးချယ်သင့်တဲ့အချက်တွေက
– ClickUp ရဲ့ feature set တွေက Notion ထက် သိသိသာသာပိုမိုကျယ်ပြန့်ပြီးတော့ calendar၊ time tracking၊ screen recording နဲ့ စာတိုအမြန်ပို့ပေးတာတွေ ပါဝင်ပါတယ်။
– Clickup က ကိုယ်ပိုင် dashboard တွေကို ဖန်တီးခွင့်ပေးတဲ့အပြင် သက်ဆိုင်ရာ တိုင်းတာချက်တွေနဲ့ စွမ်းဆောင်ရည်ကိုပါ tracking လိုက်လို့ ရစေပါတယ်။
– Notion ထက်စာရင် Clickup က ပိုပြီး အသေးစိတ်ကျတဲ့ user roles တွေနဲ့ permission တွေကိုလည်း ထောက်ပံ့ပေးထားပါသေးတယ်။
– အဖွဲ့အစည်းငယ်တွေအတွက်ဆိုရင်လည်း Clickup မှာ ပိုပြီး သက်သာတဲ့ ဈေးနှုန်းနဲ့ ဝယ်ယူအသုံးပြုလို့ ရပါတယ်။
Clickup ထက်စာရင်လည်း Notion ကို ရွေးချယ်သင့်တဲ့အချက်တွေ ရှိပါသေးတယ်။
– Notion က Clickup ထက် setup လုပ်ရတာ ပိုမိုလွယ်ကူပြီးတော့ ပြန်လည်ပြုပြင်ဖို့ရာလည်း အများကြီး မလိုအပ်ပါဘူး။
– Notion က content တွေကို ပြင်ပမှာ ထုတ်ဝေပေးနိုင်ဖို့ရာအတွက်လည်း ပိုမိုလွယ်ကူပါတယ်။
– အချို့သောအသုံးပြုသူတွေက Notion ရဲ့ application design က ပိုမိုနားလည်သဘောပေါက်လွယ်ပြီး အသုံးပြုရတာ smooth ဖြစ်တယ်လို့ ဆိုပါတယ်။
– Notion က တစ်ဦးတစ်ယောက်ပဲ အသုံးပြုမယ်ဆိုရင်က အခမဲ့ဖြစ်တဲ့အတွက် ကိုယ်ရေးကိုယ်တာ အသုံးပြုဖို့ရာနဲ့ ဝါသနာအရ ပရောဂျက်ဖန်တီးချင်တာတွေအတွက် ပိုမိုကောင်းမွန်တဲ့ ရွေးချယ်မှုတစ်ခု ဖြစ်ပါတယ်။
ClickUp နဲ့ Notion ကို နှိုင်းယှဉ်ပြီး ဘယ် app က winner ဖြစ်တယ်ဆိုတာ သတ်မှတ်လို့တော့ မရပါဘူး။ ကိုယ့်ရဲ့လိုအပ်ချက်နဲ့ ကိုယ့်ရဲ့ အသုံးဝင်တဲ့အပေါ်မှာပဲ မူတည်ပါတယ်။
